Accueil Articles Qui sommes-nous Contact
À la une Administration Culture Economie Éditorial Éducation En créole Environnement Humour Insolite International Justice Le Saviez-Vous Les Evénements du Jour Médias MÉTÉO Musique Politique Promotion Publicité Religion Revue Santé Sciences Société Sport Stop Accident Technologie

An kreyòl- Rezime: Rezime aktyalite semèn nan sòti dimanche 16 me pou rive Samedi 22 me 2021 an.

ExodeNews ap envite w swiv rezime tout aktyalite ki te pase pandan semèn nan, san retire san mete.

Nan yon nòt pou laprès, Direksyon jeneral Polis la fè konnen jou kite dimanch 16 me 2021 an, Ajan BLTS yo te rive sezi nan 2 machin plis pase 2000 kg marigwana. Toujou daprè responsab yo, Machin sa yo ki tap sòti nan depatman sid la pou rantre nan kapital la, yo chak te gen yon kantite marigwana ladan yo.

Nan menm jounen sa, nan yon fouy, divès inite nan Polis la tap fè nan zòn metwopolitèn nan, 108 machin te detente, 100 kontravansyon te bay epi fòs lòd yo te rive sezi 24 motosiklèt ki tap sikile san papye.

Daprè yon bilan òganizasyon stòp aksidan bay jou lendi kite 17 me a, Responsab òganizasyon an kise Doktè Garnel Michel fè konnen, soti nan dat 10 pou rive 16 me 2021 an, genyen yon total 21 aksidan sikilasyon ki fèt nan zòn Bwa Vèna, Kenskòf, Bomon, Titanyen, Limonad, Kriswa, Karenaj ak Pò Sali. Toujou daprè Doktè Michel, nan 21 aksidan sikilasyon sa yo, genyen 76 moun ki blese ak 7 moun ki mouri.

Aprè plizyè lane travay, jou lendi kite 17 me 2021 an, Meri Kafou te inogire Sant Kiltirèl Minisipal Emmanuel Charlemagne ki twouve li nan Tò 12, Sant Kiltirèl sa genyen anndan li yon Bibliyotèk avèk plis pase 8000 liv, yon sal Oditoryòm ak yon sal miltimedya, se te avèk anpil kè kontan plizyè santèn moun te vini patisipe nan Inogirasyon sa epi Majistra Kafou a kise M. Jude Edouard Pierre te tou anonse M. Pierre Manigat Junior se nouvo anbasadè Komin Kafou a.

Madi kite 18 me 2021 an, nan okazyon 218èm anivèsè drapo ayisyen an, Prezidan Repiblik la, SEM Jovenel Moise, akonpanye avèk plizyè manb nan pouvwa egzekitif la te depoze yon jèb flè nan otèl patri a ki twouvel sou chann Mas la, nan memwa zansèt nou yo kite batay pou ba nou drapo sa. Chèf Keta a pwofite lanse yon apèl kote li mande tout sitwayen ayisyen ki nan kat kwen mond la pou yo viv nan lapè, fratènite ak nan inite epi li mande pou pèp la swiv egzanp papa nasyon an kise te anperè Jean-Jacques Dessalines.

Ansyen Senatè Youri Latortue kise chèf pati politik (AAA) akonpanye avèk kèk militan, te bay yon konferans pou laprès jou kite mèkredi 19 me 2021 an, nan lokal pati a, pou yo denonse bandi ak zam kite tire sou yon ajan sekirite li kise M. Constantain Pierre. Asyen senatè a fè konnen malgre tout atak kap fèt sou patizan li yo li pap abandone lit lap mennen pou Pèp la.

Aprè plizyè semèn li pase nan tèt primati a , jou kite mèkredi 19 me 2021 an, Premye Minis a.i, Doktè Claude Joseph, te rive prezide premye konsèy gouvènman li, kote li tap pale sou koze sekirite, referandòm ak Eleksyon yo kap gen pou fèt nan mwa kap vini yo.

Pou sansibilize Popilasyon an sou menas ki genyen pou Abèy yo disparèt nan peyi a, nan jounen jedi kite 20 me 2021 an, rektè inivèsite kiskeya a M. Jacky Lumarque akonpanye avèk plizyè lòt responsab nan fakilte a, reprezantan Ministè Agrikilti ak Devlopman Riral te selebre pou premye fwa nan peyi a jounen mondyal abèy yo.
Nan okazayon sa a, yon santèn pwodwi myèl te rive ekspoze, plizyè santèn etidyan te patisipe epi Profesè Lumarque raple genyen 22 % espès abèy ki pral disparèt si pa gen anyen ki fèt.

Nan dènye nòt MSPP bay pou mwa me a, Responsab sante yo fè konnen, yo deja dekouvri 2 varyan ( Brésilien ak Anglais) nan peyi a epi sèlman pou 16 premye jou nan mwa me a genyen 457 ka positiv ki dekouvri.
Pou fini Responsab sante yo mande pou popilasyon an toujou aplike tout konsiy injyèn ak sekirite yo pou evite plis moun trape maladi a ki deja ap sikilie nan peyi a.

Chesnel Pierre, ki te Direktè Jeneral ONA depi nan dat 28 me 2017, te rive pèdi lavil nan yon Lopital ki twouve l nan kapital la jou kite vandredi 21 me 2021 an. Fòn raplew M. Pierre fèt nan lane 1966 nan komin Ènri.

Jou kite samdi 22 me 2021 an, nan yon nòt pou laprès, Direksyon Jeneral Polis la fè konnen, nan yon operasyon inite BLTS te mennen jou kite 21 me a nan Avni Panamerikèn zòn otèl montana, yo te rive sezi plizyè objè pami yo yon 9mm, plizyè katouch, 1490 dola ameriken,1000 goud, 200 pèso, yon pè minòt ak yon jile pou pare bal epi pou fini responsab Polis yo anonse sitwayen Réginald Mathonne ki fèt nan lane 1977 te rive jwenn arestasyon li pou kounya lap reponn kesyon DCPJ pou swit legal yo.

ExodeNews la pou enfòme w !

PETIT FRÈRE Jean Rony Poito

Rédacteur

En créole

Partager sur :

Laisser un commentaire
aucun commentaire pour l'instant

Voir aussi

Catégorie