Accueil Articles Qui sommes-nous Contact
À la une Administration Culture Economie Éditorial Éducation En créole Environnement Humour Insolite International Justice Le Saviez-Vous Les Evénements du Jour Médias MÉTÉO Musique Politique Promotion Publicité Religion Revue Santé Sciences Société Sport Stop Accident Technologie

An kreyòl- Rezime: Rezime akyalite semèn nan sòti lendi 3 me pou rive vandredi 7 me 2021 an.

ExodeNews ap envite w swiv rezime tout aktyalite ki te pase pandan semèn nan, san retire san mete.

Nan yon bilan stòp aksidan bay jou lendi kite 3 me 2021 an, yo fè konnen, soti nan dat 26 avril pou rive 2 me 2021 an, genyen 33 aksidan sikilasyon ki rive fèt nan zòn : Miragwan, Montay Nwa, Dèlma75, Mibalè, Tòbèk, Jakmèl ak akayè. Toujou selon responsab òganizasyon an, nan 33 aksidan sikilasyon sa yo genyen 112 moun kite blese ak 39 moun kite mouri.

Madi kite 4 me 2021 an, anplwaye DGI yo te bloke avni kristòf kise yon zòn ki twouvel nan kapital peyi a, nan lide pou yo te mande liberasyon Saintilaire Marc Arthur kise yon chofè enstitisyon an bandi ak zam te kidnape nan lendi 3 me a.

Nan yon bilan CARDH kise yon enstitisyon ki plase pou fè rechèch ak analiz sou koze dwa moun bay, yo fè konnen nan yon bilan yo bay jou madi kite 4 me 2021 an, pou sèlman mwa avril la bandi ak zam kidnape 91 moun nan diferan kouch nan sosyete ayisyèn nan, toujou daprè òganizasyon an pifò zak kidnapin sa yo fèt nan Komin : Pòtoprens, Kwadèboukè, Kafou ak Dèlma.

Jou kite jedi 6 me 2021 an, Prezidan repiblik la SEM Jovenel Moise te enstale nan palè nasyonal konsèy Nasyonal Asistans legal. Objektif prensipal konsèy sa se lite kont detansyon pwolonje nan prizon yo, selon sa chèf leta a fè konnen, sèvis sa lap gratis epi se avèk reprezantan ministè lajistis, sekirite piblik,ofis pwoteksyon sitwayen, Federasyon bawo ayiti yo, ministè finans ak ekonomi li fòme.

Toujou nan menm jounen jedi sa, anbasad Ayiti nan Repiblik Dominikèn ak Konsila Jeneral Dayiti nan Santiago ki gen nan tèt li Konsil James Jacques, fè konnen, aprè yon ti chita pale li te fè avèk kèk responsab nan peyi Repiblik Dominikèn, nan jou kap vini yo tout etidyan ayisyen pral jwenn viza espesyal nan lide pou yo sikile san enkyetid sou teritwa dominikèn nan.

Vandredi kite 7 me 2021 an, Pòt pawòl polis nasyonal la, enspektris Marie Michelle Verrier, fè konnen nan yon konferans pou laprès, soti premye avril pou rive 5 me 2021 an Polis Nasyonal la arive arete 115 endividi. Arestasyon sa yo rive fèt pou divès zak tankou : Tantativ Kidnapin, Sikilasyon kidnapin, kadejakè ak zak kriminèl. Toujou daprè Pòt pawòl la, genyen 3 tip kidnapin kap fèt nan peyi a ; premyeman se nèg kap kenbe moun lakay yo epi mande gro lajan pou libere yo, dezyèmman se moun kap kache epi ki bezwen fè kòb sou fanmi yo epi twazyèmman se kidnapin kap fèt dèyè telefòn.

ExodeNews la pou enfòme w!

PETIT FRÈRE Jean Rony Poito

Rédacteur

En créole

Partager sur :

Laisser un commentaire

Valer Jean Louis

????

Le 10/05/2021 à 00:15:27

Voir aussi

Catégorie