Pandan Gen anpil dout sou fason jesyon pwodwi petwolye yo ap fèt nan peyi a dènye jou sa yo. Aprè tèminal Vare te anonse bandi ak zam te metrize ajan sekirite epi vòlè yon kantite gaz konsiderab nan WINECO 2 fwa pandan semenn ki sot pase a, jounen madi 18 oktòb la, responsab kominikasyon nan tèminal la pote jistifikasyon kote l fè konnen se bato gaz yo resevwa e se pa yo menm ki estoke l ni pou ta vann li.

Pi lwen nan yon twit yo deklare yo pa gen kamyon gaz, ni ponp gazolin, yo pa distribiye gaz ni vann gaz. "WINECO se yon biznis ki lwe konpavi yo sitèn pou estokaj prodwi petrolye yo", se sa responsab yo fè konnen. Nan sans sa, Tèminal la dechaje l de tout responsabilite mache nwa ak move wout gaz la ka fè nan peyi a. N ap raple 5 konpayi ki jere koze gaz la sou mache a se DINASSA, Kimazou, Sol, Capital ak DNC.

Exode News la pou enfòme w!